“Më lër të flas” është një nga programet më të ndjekura të momentit, ku tashmë ka nisur dhe sezonin e dytë me po të njëjtët moderator Romeo dhe Donald Veshaj.

E ftuar në pjesën e parë të emisionit të mbrëmjes së sotme ishte moderatorja, Alesia Bami, e cila iu përgjigj kritikave të shumta që merr nga ndjekësit se nuk ka informacione nga sport edhe pse moderon emisione sporti.

Alesia shprehet se njohuritë për sportit i ka zgjeruar gjatë eksperiencës, por nuk është analiste, “se për këtë janë ekspertët e ftuar”.

“Gjithmonë jam akuzuar që nuk kisha njohuri për sportin. Patjetër që nuk kisha njohuri shumë të mëdha sportive, por që me rrugën duke bërë emisione të njëpasnjëshme të Procesit Sportiv, Top Arena, merr eksperiencën dhe njohuritë e përgjithshme. Unë nuk kam dashur asnjëherë të jem analiste sportive apo të analizoj sportin në anën teknike, sepse kemi analistë për këtë punë. Si moderatore e sportit, për të bërë pyetje dhe për të pasur njohuritë e përgjithshme, mendoj se i kam”.