ITALI- Vajza që shihni në foto është Blerina Kryeziu nga Kosova e cila humbi jetën pas një aksident në Itali. E reja e cila punonte si kamariere në një restorant në Itali u godit të premten nga një automjet, por, pas tri ditësh qëndrimi në spital, 24-vjeçarja vdiq të hënën.

Mediat italiane shkrujanë se Kryeziu kaloi tri ditë në repartin e kujdesit intensiv, por ditën e djeshme u konstatua vdekja e saj.

24-vjeçarja e cila punonte në restorantin “da Silvano”, prej më shumë se tre vitesh, ishte martuar pak muaj më parë.

Ngjarja e rëndë ndodhi ditën e premte. Rreth orës 19:00, teksa ishte në këmbë duke ecur përgjatë anës së rrugës, në via San Martino, në rrugë pa ndriçim një veturë e tipit “Nissan” e goditi atë duke e përplasur rreth 10 metra.