Transmetuar më 01-10-2022, 21:30

Paris- Dhe këtë nuk e kishte imagjinuar. Jo ai, por askush prj nesh. Por ja që ‘pleshti’ na del si ndotësi më i madh në planet!

Media franceze “L’Equipe” rendi të parin Lionel Messin si ndotës të madh të planetit. Në artikull, sipas investigimeve, thuhet se Messi, me udhëtimin e tij të shpeshtë ajror në vetëm tre muaj ka lëshuar të njëjtën sasi CO2 (dioksid karboni) që do të lëshonte një njeri normal në 150 vjet.

“Nga 1 qershori deri më 31 gusht janë kryer 52 fluturime nga avioni privat i Lionel Mesit. Sipas “L’Equipe”, rreth 30 nga fluturimet e kryera nga avioni i “Pleshtit” ishin ndërkontinentale, nga të cilat 14 ishin transatlantike dhe shkaktuan nivele ekstreme të emetimeve të dioksidit të karbonit. Udhëtimi i bluve në Lille, e qeshura e Kylian Mbappé dhe “jahti me rërë” i Christophe Galtier….

Indinjata dhe polemika janë lidhur muajt e fundit për avionët privatë, mjetet e preferuara të transportit për futbollistët. Në mars, Didier Deschamps dhe grupi i tij morën një të tillë për të udhëtuar nga Lille nga Paris. Gjysmë ore fluturim për të kaluar 250 kilometra. Një udhëtim larg të qenit i pakapërcyeshëm nga trajneri,”- shkruhet ndër të tjera në artikull.

L’equipe ka publikuar edhe një hartë ku shihen një sërë udhëtimesh mes Argjentinës dhe Shteteve të Bashkuara, 5 prej të cilave midis Buenos Aires dhe Majamit.