Transmetuar më 24-09-2022, 22:37

TIRANË- Kryetari i Partisë Demokratike Sali Berisha zhvilloi sot një takim online me qytetarët në lidhje me situatën politike në vend.

Sali Berisha: Të hënën Këshilli i PD miraton udhëzimin për zgjedhjen e kryetarët të bashkive sipas primares. Në një kohë të shkurtër do të përpunohet udhëzimi për Këshilltarët, primarët do të kenë të hënë gati kuadrin ligjor. Ngjarje e madhe për PD për të shtrirë pluralitetin brenda PD”, tha Berisha.

Gjatë takimit ai foli edhe mbi hapjen e partisë ku njoftoi dhe datën që do të mbahen primaret. Sips Berishës ditën e hënë nis dhe procesi i primareve në parti për kandidatët për kryetar bashkie.

Sali Berisha: Hapja e partisë është kusht themelor për suksesin e saj. Garantoj se po punohet me intensitet por theksoj se edhe vetë primaret janë një procedurë demokratike me mundësi të mëdha për hapjen e partisë pasi për qytetarët do kenë mundësi të kandidojnë të gjithë ata të cilët e ndjejnë se kanë një projekt, formimin, reputacionin për tu votuar si qytetarë të parë. Por krijohen departamente ku po angazhohen intelektualë, departamentet shumë shpejt do të kenë anëtarët e tyre në diasporë. Hapja ka nisur dhe do të realizohet si kusht për fitore e PD”, tha Berisha.