Brooklyn Beckham, 23 vjeç, djali i legjendës së futbollit anglez, por edhe më gjerë (David) u martua me Nicola Ann Peltz, 27 vjeçe, me një ceremoni ekstravagante në pronën (super vilën) e familjes së saj, në maj.

Dyshja nuk mund t’i mbante duart larg njëri-tjetrit, pasi u fotografuan në ditën e parë të muajit të mjaltit në St Tropez. Brooklyn e “mbyti” gruan e tij të re me puthje, ndërsa ata shijuan një shëtitje romantike përpara se të uleshin për darkë në një restorant luksoz.

Nicola dukej e mrekullueshme me një fustan jeshil dhe blu të mbuluar me printime të theksuara lulesh. Brooklyn u shfaq casual, me pantallona prej liri dhe një këmishë të bardhë.

Pasi u ul në restorant, djali i David Beckham nuk mundi t’i mbante duart larg gruas së tij të re, ndërsa ndanin puthje të shumta. 23-vjeçari përdori Instagramin për t’i ndarë këto pamje me 14.2 milionë ndjekësit e tij të muajit të mjaltit.

Brooklyn, duke shpjeguar videon, la mbishkrimin: "Të dua@nicolaannepeltzbeckham. Ne e dëgjuam këngën tonë të dasmës në ditën e parë të muajit të mjaltit”.