Nga Kupa e Botës në vitin 2002, "Topi i Artë" i vitit 2005 tek "fejesa" misterioze me një klub të porsalindur meksikan, me detyra ende për t’u përcaktuar. Karriera futbollistike e Ronaldinhos është pasuruar nga një tjetër ngjarje kurioze.

Klubi meksikan i Real San Luis FC, në fakt ka njoftuar ardhjen e ish-kampionit të PSG, Barcelonës, Milanit dhe kombëtares braziliane, fitues i Kupës së Botës në vitin 2002.

Deri më tani, asgjë e çuditshme, përveç faktit që është një klub i divizionit të dytë, se postimi në Instagram ku Real San Luis FC komunikonte lajmin kufizohej në një "Mirëserdhe në tokën e Potos", me foto nga epoka e Gaucho-s në kohën e kombëtares braziliane.

Është për të ardhur keq që Real San Luis nuk ka specifikuar se çfarë roli duhet të luajë Ronaldinho, i cili i dha lamtumirën futbollit në janar 2018, tri vite pas sezonit të tij të fundit profesional me Flamengon.

Me pak fjalë, misteri thellohet, por duke iu referuar rregulloreve, rikthimi i tij në fushë si lojtar është për t’u përjashtuar. Për më tepër, duke qenë se Dinho nuk ka ndjekur kurse për trajner, mund të imagjinohet një rol menaxherial, i cili megjithatë do të shënonte rikthimin e tij në Meksikë, pas përvojës si lojtar në 2014-2015 me bluzën e Queretaros.