Një grua ka mësuar se burri i saj prej dhjetë muajsh ishte në fakt si ajo, femër, pavarësisht se çifti ka kaluar shumë herë momente intime, pohojnë mediat lokale. Gruaja indoneziane, e quajtur vetëm NA, 22 vjeçe, po padit ish-partnerin e saj, i cili pretendon se është neurolog i diplomuar në New York.

Çifti u lidh përmes një aplikacion takimesh, me ‘burrin’ e quajtur Ahnaf Arrafif që jetonte në qytetin Jambi. Pasi filluan një lidhje në internet, ato u takuan për takime personalisht. Ahnaf madje qëndroi me NA për një javë dhe e ndihmoi të kujdesej për prindërit e saj të sëmurë.

Por katër muaj pas martesës së tyre, familja e saj filloi të dyshonte për bashkëshortin e ri të NA. Ahnaf nuk e prezantoi kurrë familjen ‘e tij’ dhe dukej se kishte një orar shumë të relaksuar, pavarësisht se pretendonte se ishte mjek i kualifikuar.

Nëna e NA gjithashtu pranoi faktin se Ahnaf nuk i hiqte kurrë rrobat ‘e tij’, madje lahej me rroba kur të tjerët ishin në shtëpi. Kur gruaja u përball me partnerin e saj për gungat në gjoksin e tij, Ahnaf u përgjigj se ishte një problem hormonal.

Përfundimisht, nëna kërkoi që ‘ai’ të zhvishej për të provuar se ishte me të vërtetë burrë. Në atë moment, Ahnaf zbuloi se ai ishte në të vërtetë një grua e quajtur Erayani, e cila kishte gënjyer për gjithçka, përfshirë punën e saj.

NA i tha Gjykatës së Qarkut Jambi se nuk kishte dyshuar kurrë se personi me të cilin u martua ishte burrë derisa nëna e saj filloi të aluzonte mbi marrëdhënien e tyre. Ajo tha se kishin kaluar momente ‘intime’ shumë herë, por ‘partneri’ i saj këmbëngulte të përdorte vetëm duart.

Tashmë Erayani është në gjyq, por për falsifikimin e kualifikimeve si mjek, jo për pretendimin se është gjini tjetër.