Transmetuar më 20-05-2022, 12:02

Namibi- Kriza e karburanteve e provokuar nga lufta po bën që njerëzimi të mendojë për mënyra alternative të sigurimit të energjisë.

një gjetje origjinale ofron Namibia.

Me nisjen e luftës në Ukrainë, vendi më i thatë i Afrikës sub-sahariane.

Mësohet se një delegacion nga ky vend, qenë në turne në Evropë për të shpallur kombin e tyre si një fuqi potenciale të energjisë së pastër.

Ata thonë se Namibia mund të prodhojë aq shumë energji diellore sa që së shpejti do të jetë e vetë-mjaftueshme për konsum të brendshëm dhe deri në fund të dekadës, mund të bëhet një eksportues i të ashtuquajturit hidrogjen i gjelbër.

“Ne erdhëm në Evropë duke thënë se kemi këtë diell të mahnitshëm,” tha James Mnyupe, këshilltar ekonomik i presidencës Namibiane.

Ai ishte në Roterdam në fillim të këtij muaji për panairin “World Hydrogen Summit” dhe të mërkurën kreu një fushë në Paris përpara udhëtimit në Davos. Një vend i madh, kryesisht i shkretë në Afrikën jugperëndimore, me një popullsi prej vetëm 2.5 milionë banorësh, Namibia është e “mbytur” nga dielli dhe thatësirat. Kjo e bën atë të përsosur për ngritjen e fermave gjigante me panele diellore, fuqia e të cilave mund të përdoret për të ndihmuar në prodhimin e hidrogjenit – i cili nga ana tjetër mund të përdoret për karburant ose të shndërrohet në amoniak për të bërë plehra.

Prodhimi i hidrogjenit përfshin ndarjen e molekulës së ujit në atomet përbërëse të tij të hidrogjenit dhe oksigjenit, duke përdorur një teknikë të quajtur elektrolizë. Namibia thotë se është në një pozicion unik për ta bërë procesin të pastër.

Duke pasur një vijë të gjerë bregdetare në Atlantikun e Jugut, shteti afrikan propozon se do të përdorë ujin e detit të cilit do t’i hiqet kripa, dhe më pas do të elektrizohet duke përdorur burime të pastra dhe të rinovueshme.

Hidrogjeni do të dërgohet në një terminal dhe më pas do të eksportohet “në Roterdam, Gjermani ose Afrikën e Jugut” si dhe do të përdoret në shtëpi, tha Mnyupe.