Një 40-vjeçar është vrarë brutalisht në një lokal në Lithio në ishullin e Kios në orët e para të së shtunës.

Autori i dyshuar, një 25-vjeçar nga Shqipëria, akuzohet se vrau me thikë 20 centimetra të gjatë 40-vjeçarin, baba i dy fëmijëve dhe siç duket çdo gjë kishte për shkak mbrojtjen e të dashurës së tij nga ngacmimet që djali emigrant besoi se po i bëheshin nga greku biznesmen.

I riu shqiptar dhe e dashura e tij kishin ardhur para pak ditësh në ishullin Kios për të punuar së bashku në lokalin e babait të shqiptarit. Në fakt, 25-vjeçari vinte herë pas here në Kios për pushime dhe familja e tij kishte vendosur të hapte një biznes në ishull.

Kios: Ky është 40-vjeçari që u godit me thikë nga 25-vjeçari në lokal

Viktima dhe autori, njiheshin personalisht, pasi të dy kishin lokale në plazhin e fshatit. Por mbrëmja e së shtunës duke gdhirë e diela do të ishte fatale pasi, 25-vjeçari e ka keqkuptuar sjelljen e 40 vjeçarit pasi ka konsideruar se e kishte shqetësuar të dashurën e tij.

Kryetari i bashkisë Stamatis Kolotos foli sot për ngjarjen. Ai tha se krimi ndodhi në orën 03.30 të mëngjesit.

"Babai i 25-vjeçarit kishte hapur lokalin këtu në Lith një javë më parë. Edhe nëna e autorit kishte blerë një shtëpi dhe vjen herë pas here çdo dy vjet.

Vajza kishte ardhur me autorin për të punuar në dyqan. Nuk dimë nëse viktima e ka ngacmuar vajzën. Por pavarësisht se çfarë ka ndodhur, nuk ka asnjë justifikim për ngritjen e thikës”.

Emigranti shqiptar u arrestua dhe po mbahet në policinë e Kios ndërsa trupi i pajetë i 40-vjeçarit është transportuar në spital për autopsi-nekropsi. Policia thotë se po kryen një hetim të plotë për të nxjerrë në dritë shkaqet e sakta të vrasjes së ndodhur. /noa.al