Ekstradohet në Britaninë e Madhe shqiptari i akuzuar për vrasje.

Mediat britanike bëjnë me dije se i ekstraduari është Gledis Mehalla, 20 vjeç, i cili akuzohet, së bashku me shtatë të tjerë, për vrasjen e polakut Tomasz Waga , 23 vjeç, në Cardiff më 28 janar 2021.  do të dalë para gjykatësve në Cardiff.

Trupi i Tomasz Waga u gjet në Westville Road, Penylan. Policia e Uellsit të Jugut lëshoi një kërkesë arresti për Mehalla nën dyshimin për vrasje dhe lëndim të rëndë trupor dhe u arrestua nga autoritetet shqiptare më 2 tetor 2021.

Home Office lëshoi një kërkesë ekstradimi, e cila u urdhërua nga një gjykatë shqiptare në nëntor 2021. Ai u ekstradua më 20 janar dhe do të dalë para Gjykatës së Magjistraturës së Cardiffit të premten, më 21 janar.

Të gjithë të akuzuar do të dalin në gjyq më 28 shkurt 2022 në Newport Crown Court. Dy të tjerë janë ende në kërkim në lidhje me vdekjen e Ëaga-s, ata janë Artan Pelluci, 29 vjeç, gjithashtu nga Cathays, dhe Elidon Elezi, 22 vjeç, nga East Finchley, Londër.