E detyruan të bëjnë seks në dhomën e gjumit dhe në banjë.

“E kapën  nga koka për të pirë me zor gjysmë shishe vodka" dhe "e detyruan të bëjë seks në grup".

Katër të rinjtë janë nën hetim të cilët "përfituan nga kushtet e saj të inferioritetit psikologjik dhe fizik ”të atij momenti”.

Këtu është shkruar, e zeza në të bardhë, siç raportohet nga Adnkronos, në aktakuzën e Prokurorisë së Tempio Pausania (Sassari) kundër katër djemve nga Genovae, përfshirë Ciro Grillo, djali njëzet vjeçar i  kreut të partisë “M5S”, Beppe Grillo.

Studentja e re italo-suedeze S.J, vetëm 19 vjeçe, pretendohet se vuajti dhunën barbare nga banda në vilën në Costa Smeralda, në pronësi të Grillo, natën midis 15 dhe 16 korrik 2019.

Siç thuhet në dokumentet e Prokurorit "vendbanimi u identifikua falë një selfie të bërë" nga vajza e re dhe "i atribuohet Beppe Grillo".

"Nuk kishte dhunë seksuale, por seks me  pëlqimin e saj”, përsëriti Ciro Grillo disa herë, përpara Kryeprokurorit të Tempio Pausania, Gregorio Capasso, gjatë marrjes në pyetje që u mbajt në fshehtësi të madhe të enjten në mbrëmje në ambientet e zyrës së prokurorit.

Seanca e marrjes në pyetje ishte e gjatë dhe e vështirë, e cila përfundoi vetëm në mbrëmje vonë.

/a.m/NOA.al