Transmetuar më 24-01-2021, 18:07
Një person është plagosur me armë zjarri pasditen e sotme, pas një konflikti të çastit me një person.
Ngjarja është raportuar në lagjen 16 të Durrësit.
I riu me inicialet J. B ka marrë një plumb në këmbë dhe ndodhet në spital, jashtë rrezikut për jetën.
Në ambientet e Policisë janë shoqëruar disa persona të cilët ndodheshin në vendin e ngjarjes.
Janë ngritur disa pika kontrolli dhe po bëhet krehja e zonës, ndërsa grupi hetimor ndodhet në vendngjarje dhe po punon për identifikimin dhe kapjen e autorit. /k.k/noa.al/