Presidenti rus Vladimir Putin është "sulmuar" kohët e fundit, për shkak të jetës luksoze të Luiza Rozovas, vajza e dyshuar sekrete e lindur 17 vjet më parë nga marrëdhënia me ish-pastruesen, Svetlana Krivonogikh.

Vajza përfundoi në qendër të polemikave për përmbajtjen që ajo publikon në rrjetet sociale: rroba luksoze nga markat më të famshme në botë, udhëtime dhe qëndrim në hotele ekskluzive.

Llogaria e saj u zbulua nga kundërshtari rus, Aleksei Navalni. Sipas gazetës "The Sun", hapja e faqes së vajzës në Instagram, do të linte këshilltarët e Putinit të tronditur, duke u ndeshur tashmë me hetimin e pretenduar nga Navalni të "pallatit të fshehtë të Carit": një rezidencë princërore me 7,800 hektarë park në brigjet e Detit të Zi, afër qytetit të Gelendzhik.

Disa adoleshentë rusë akuzuan Luiza Rozovan në rrjetet sociale, edhe për shkak të krizës së lidhur me koronavirusin dhe sipas tyre, të menaxhuar keq nga Putini, raporton Noa.al, duke cituar median italiane, Tgcom.

Por jo vetëm. Përdoruesit gjithashtu postuan komente sarkastike si: "Uau, unë mund të shoh një triko të paguar me taksat e mia. Sa pensione kushton?".

Ose përsëri: "Çfarë thua në shkollë kur të pyesin kush është babai yt?"; "A nuk keni asgjë më të mirë për të bërë, sesa të tregoni të gjitha markat e blera me para që nuk janë tuajat?"; "Si ndihesh të lindësh me fytyrën e Putinit?". /e.a/noa.al/

Fotot: Tgcom