Kur Mohammed Fouad Mousa shkoi në Gjermani katër vjet më parë, ai nuk kishte shumë më tepër se rrobat që mbante veshur.
Ai e di se çfarë është varfëria e ka jetuar atë.
21-vjeçari ka jetuar momente të vështira, ama ia doli të largohej nga Siria.
Së fundmi ai ka bërë një vepër prej një qytetari të vërtetë.
Ai gjeti 1000 euro dhe i ktheu ato në polici, në mënyrë që t’i shkonin njeriut që i kishte humbur.
“Ato nuk ishin paratë e mia, nuk mund t’i mbaja. Mendova janë të dikujt që duhet të ushqej familjen me to”, tha i riu.
Mousa dhe shoqja e tij nga Ukraina Lesia Trautwein shkuan drejt në stacionin më të afërt të policisë dhe i dorëzuan ato që gjetën.
Në Gjermani kushdo që kthen para të humbura dëmshpërblehet dhe vlera që mori 21-vjeçari që dorëzoi çantën me 1000 euro ishte 100 euro.