Kryepeshkopi i Shqipërisë, Anastasios, u transferua në Evangelismos me një kapsulë presioni negativ përmes një fluturimi ajror që u krye me C-130. 

Sakaq, të gjithë anëtarët e Sinodit të Shenjtë të Përhershëm, si dhe Kryepeshkopi Ieronymos janë në karantinë. Kryepeshkopi iu nënshtrua testeve përkatëse në një qendër mjekësore në Tiranë. Tamponi dhe skaneri treguan se ai ishte infektuar me virusin Sars-Cov2.  Megjithëse simptomat u shfaqën në një formë të lehtë, mjekët në Tiranë e konsideruan të domosdoshëm transferimin dhe shtrimin në spital në një klinikë të specializuar në Greqi, duke pasur parasysh moshën e tij të shtyrë dhe disa probleme kronike shëndetësore.

Pak para hyrjes në C-130, Kryepeshkopi i Shqipërisë Anastasios deklaroi: "Shikoni, në Shqipëri ka shumë gryka dhe unë jam mësuar të zbres në gryka për disa vjet tani, për 30 vjet … Ne gjejmë një shteg dhe shkojmë përsëri në lëndinë. Unë mendoj se, të marr pjesë, edhe në këtë mënyrë, në dhimbjen e përbashkët, është një dhuratë nga Zoti. 

"Mos e shihni si të vështirë," tha ai. “Kam një ndjeshmëri ndaj mushkërive, kam astmë prej një kohë të gjatë. Mendoj se do ta kapërcejmë. 

Anastasios u dërgua në spitalin Evangjelizmos ku në vite ai është kuruar për sëmundje të tjera.

"Mos u trishto, mos u trishto. Ne do ta kalojmë. Pavarësisht nëse jetojmë ose vdesim. Këto gjëra janë një ngushëllim i madh për ne", tha ai. /noa.al/