Transmetuar më 30-10-2020, 12:46

Vijon përplasja mes Partisë Demokratike dhe Bashkisë së Tiranës në lidhje me rindërtimin e gjimnazit "Sami Frashëri" në kryeqytet.

Ish-deputetja e PD, Jorida Tabaku i përgjigjet qeverisë dhe bashkisë së Tiranës lidhur me shembjen dhe rindërtimin e shkollës historike në Tiranë.

Sipas saj, po bëhet propagandë për t’i mbushur mendjen shqiptarëve dhe se nuk po punohet, ndërkohë që publikon dy foto nga kantieri i ndërtimit, në të cilit nuk gjendet asnjë punëtor.

Postimi i plotë

"Qeveria e Propagandës! Dalin cdo ditë me regji qëndrore për ti mbushur mendjen shqiptarëve që po punojnë. Asgjë nuk po bëjnë, asgjë nuk kanë bërë në 7 vite dhe asgjë vitin e fundit që mbas tërmetit. I lanë shqiptarët jetimë me shtëpi të rrënuara dhe tani duan ti përdorin për propagandë.

Shembulli më i mirë është shkolla Sami Frashëri. 2 ministra dhe një kryetar bashkie dolën dje për të manipuluar shqiptarët dhe qytetarët e Tiranës. Rezultati është një shfaqje propagandistike.

Sot asnje punetor dhe asnje pune ne gjimnazin Sami Frasheri, sepse regjia qendrore eshte zhvendosur ne shkollen 5 maji. Cdo dite ne nje shfaqje ku propaganda shet nisjen e punimeve, por pasi kamera e ERTV largohet heshtja dhe braktisja pushton ato qe sot duhet te ishin sheshe ndertimi. Gënjyen aktorët e rilindjes edhe për fondet e gjimnazit Sami Frasheri. Kjo shkollë NUK do të ngrihet me fondet e BE. Kosto prej 4.5 mln euro do paguhen nga taksat e shqiptarëve dhe qytetarëve të Tiranës. Shkollat me fondet e BE kushtojnë 6 herë më pak!

Tetë vjet kanë manipuluar shqiptarët me fasadë dhe i kanë mbajtur me gënjeshtra. Do të demaskohen hipokritët dhe manipulatorët pasi shqiptarët do të mësojnë se çfarë fshihet pas prishjes së shkollës Sami Frashëri në mes të pandemisë". /NOA/