Transmetuar më 07-10-2020, 15:47

Dashuria e gjyshërve për nipërit është e veçantë.

Një djalë 11-vjeçar ka ecur në këmbë më shumë se 2 mijë e 700 kilometra për të takuar gjyshen e tij.

Të dielën e kaluar Romeo Cox mbërriti te gjyshja e tij pas 3 muajsh ecje në këmbë, nga Palermo e Italisë për në Londër.

Bashkë me të atin, ata ecën në këmbë nëpër Itali, Zvicër dhe Francë, duke kaluar vështirësi të mëdha në rrugën e tyre, vetëm e vetëm që djali i vogël të takonte gjyshen e tij, të cilën nuk e shihte prej më shumë se një viti.

Pasi mbërritën në Londër, pavarësisht dëshirës së madhe për të shkuar te gjyshja, ata u detyruan të qëndronin edhe dy javë në karantinë për shkak të koronavirusit para se të shihnin 77-vjeçaren në shtëpinë e saj në Witney, Oxfordshire.

“Kur u afrova te shtëpia e gjyshes, unë nisa të vrapoj, ndërsa babai ngeli prapa. Ne patëm përqafimin më të ngrohtë ndonjëherë. Më kishte marrë shumë malli. Një natë më parë nuk kam fjetur dot”, tregon djali. /k.k/noa.al/