Transmetuar më 06-10-2020, 15:57

Bashkimi Evropian do të fusë në përdorim sistemin ETIAS, një sistem elektronik i Informacionit dhe Autorizimit të Udhëtimit të të gjithë atyre që do të udhëtojnë në vendet e zonës Shengen.

Delegacioni i BE sqaroi mënyrën e aplikimit të këtij sistemi, kohëzgjatjen dhe mënyrën e funksionimit.

Duke nisur nga data 1 janar e vitit 2021 të gjithë shqiptarët që duan të udhëtojnë në vendet Shengen do të përballen me një sistem të ri të vizave.

Ky program i quajtur sistemi i autorizimi dhe informacionit elektronik të udhëtareve ka për qëllim filtrimin e të gjithë atyre që udhëtojnë, për të ruajtur kufijtë e Bashkimit Europian.

Në një deklaratë të Delegacionit të BE sqarohet se çfarë është ETIAS.

ETIAS-i është një sistem i automatizuar IT aktualisht në fazën e zhvillimit dhe nuk është ende në përdorim. Ai pritet të fillojë plotësisht nga funksionimi në fund të vitit 2022.

Shtetasit nga 62 vende, përfshirë Shqipërinë, SHBA-në, Kanadanë apo Australinë, do të duhet të përdorin ETIAS-in, kur të futen në një vendet e BE-së.

Të gjithë shtetasit shqiptarë gëzojnë të drejtën të aplikojnë për ETIAS-in, sepse Shqipëria është aktualisht dhe do të vijojë të mbetet një vend pa viza për udhëmimin e qytetarëve të saj, në BE.

A është autorizimi për udhëtim i ETIAS-it një vizë e re?

Autorizimi ETIAS nuk është një vizë. Shtetasit e vendeve me liberalizim të vizave, sikurse Shqipëria, do të vijojnë të udhëtojnë pa viza në BE, por thjesht do t’u kërkohet që të marrin një autorizim nëpërmjet ETIAS-it para udhëtimit të tyre.

Autorizimi për udhëtimet ETIAS nuk rivendos detyrimet që kërkohen për vizat. Nuk ka nevojë të paraqiteni në një konsullatë, për të bërë një aplikim dhe nuk merret asnjë e dhënë biometrike.

Aplikimi online ETIAS plotësohet brenda vetëm pak minutave. I vetmi dokument që do t’ju nevojitet për të aplikuar në ETIAS është pasaporta e vlefshme. Kostoja për të marrë një ETIAS është 7 euro për person, ndërsa personat nën moshën 18 vjeç përjashtohen nga pagesa e kësaj tarife.

Për BE-në, objektivi kryesor është forcimi i kontrolleve të sigurisë për personat që udhëtojnë pa viza në zonën Shengen, me qëllim përforcimin e luftës kundër krimit të organizuar dhe parandalimin e migrimit të parregullt.

Gjithashtu, do të përmirësojnë manaxhimin e kufijve duke thjeshtëzuar burokracinë dhe vonesat për udhëtarët kur paraqiten në kufi. Synimi është që të sigurohet një vlerësim i koordinuar i rreziqeve që paraqiten nga shtetas të caktuar të vendeve të treta në Vendet Shengen. Pritet që ky sistem të ulë në mënyrë të qenësishme numrin e refuzimeve të hyrjes në pikat e kalimit të kufirit.

ETIAS-i është një sistem i automatizuar IT aktualisht në fazën e zhvillimit dhe nuk është ende në përdorim.

Ai pritet të fillojë nga funksionimi në fund të vitit 2022. Në këtë sistem do të aplikojnë shtetasit nga 62 vende, përfshirë Shqipërinë, SHBA-në, Kanadanë apo Australinë.

Në sqarim thuhet, se autorizimi ETIAS nuk është një vizë, por thjesht do t’u kërkohet qytetarëve që të marrin një autorizim nëpërmjet ETIAS-it para udhëtimit të tyre.

Aplikimi online ETIAS plotësohet brenda vetëm pak minutave. I vetmi dokument që do t’ju nevojitet është pasaporta e vlefshme. Kostoja për të marrë një ETIAS është 7 euro për person. Personat nën moshën 18 vjeç nuk do ta paguajnë këtë tarife.

Pas miratimit, autorizimi ETIAS është i vlefshëm për tre vjet.

Ai parashikon një numër të pakufizuar hyrjesh në të gjitha vendet e zonës Shengen, nëse nuk qëndron më shumë se 90 ditë në një periudhë prej 180 ditësh.

/NOA.al