PËRDITËSUAR – Një djalë i ri u gjet i pajetë sot në mëngjes pasi ishte qëlluar me armë zjarri nga persona të cilët aktualisht mbeten të panjohur.
Zbulimi i të riut të ndjerë u bë sot rreth orës 06:00, në fshatin Sinaballaj të Rrogozhinës, raporton noa.al.
Policia konfirmoi se është gjetur pa shenje jete në mjetin e tij, shtetasi Klevis Kapllani, 33 vjeç.
Sipas saj dyshohet se vdekja e të riut ka ardhur nga plagët e marra si pasojë e përdorimit të armës së zjarrit.
Mësohet se është ngritur një grup i posaçëm hetimor i përbërë me Specialistët të Drejtorisë Vendore të Policisë Tiranë dhe Specialistë të Komisariatit të Policisë Kavajë.
Nën drejtim e Prokurorisë po vijon puna për fiksimin e çdo prove materiale që do të çonte në zbardhjen e ngjarjes, identifikimin dhe kapjen e autorëve. /noa.al/