Transmetuar më 07-07-2020, 12:00
Dy infermiere kanë mbetur të plagosura, të therura me thikë në një shtëpi, ku ishin telefonuar si ndihmë e shpejtë.
Ngjarja e rëndë ndodhi gjatë kësaj të hëne, në një banesë në Wolverhampton të Anglisë.
Në numrin e emergjencës, u mor një telefonatë për ndihmë, nga një banesë private në zonën e Ashmore, ku një burrë shfaqi probleme shëndetësore.
Teksa shkuan në banesë për të dhënë ndihmë, infermieret u sulmuan me thikë nga një burrë.
Të gjakosura ato ndezën sinjalin e alarmit, duke njoftuar kolegët.
Në vendin e ngjarjes mbërriti policia dhe shërbimi i urgjencës, ku infermieret u dërguan të plagosura për mjekim në spital.
Ndërkohë i dyshuari u bllokua me elektroshok dhe u shoqërua në polici.
Lidhur me ngjarjen, hetimet janë në vijim. /a.y/noa.al