Kryeministri Edi Rama ka ndarë një video nga kontrollet e policisë në terren, për zbatimin e masave kundër koronavirusit, tek personat e karantinuar të rezultuar pozitiv me Covid-19.

“Policia vazhdon punën dhe Covid-i gjithashtu, por këto mesazhe njerëzore nga takimet me punonjësit e policisë së shtetit shërbejnë për këdo”, shkruan Rama.

Ai shton se kushdo që është i prekur nga Covid-19 nuk duhet të thyejë rregullat dhe karantinën.

“Policia i di të gjitha dhe kontrollet do të vijojnë! Shëndeti mbi të gjitha”, shkruan Kryeministri.

Ky mesazh vjen në një kohë që në 24 orët e fundit në vend u shënuan 74 infektime të reja dhe dy viktima.

Në vendin tonë aktualisht janë 1160 persona aktivë me Covid-19, si dhe janë shënuar 76 viktima.

Shpërndarja gjeografike e rasteve aktive sipas qarqeve: Tiranë 449; Durrës 205 Shkodër 169; Vlorë 119; Lezhë 60; Fier 48; Korçë 36; Kukës 20; Elbasan 16; Berat 16; Gjirokastër 13 dhe Dibër 9. /a.y/noa.al

Nuk rreshtin viktimat prej koronavirusit, dy pacientë ndërrojnë jetë

Sërish shifra të larta infektimesh me koronavirus, 74 raste të reja në 24 orë