Një 38-vjeçar me koronavirus ndërroi jetë këtë të shtunë në Kosovë.
Mësohet se ai është Flamur Shasha, ish-sportist dhe karateist.
Këtë lajm e ka zbuluar zëvendësministri i Kulturës, Rinisë dhe Sportit në Kosovë, Arbër Grabovci.
Grabovci, në emër të Ministrisë së Kulturës, Rinisë dhe Sportit, ka ngushëlluar familjen e të ndjerit, sportistët dhe miqtë.
Postimi plotë nga Arbër Grabovci
“Me pikëllim mësova lajmin e hidhur për ndarjen nga jeta të ish-Karateistit entuziast, sportistit kulminant, bashkëqyetarit tim, tashmë të ndjerit Flamur Shasha.
Sporti kosovar, sot humbi një prej pionierëve të devotshëm e në moshë të re, ndërsa shoqëria jonë humbi edhe një betejë përballë Covidit 19!
Ngushëllime familjes Shasha, miqve dhe sportit kosovar!
Pushofshë në parajsë, Flamur!”-/noa.al/