Zoran Zaev dha sot dorëheqjen nga posti i kryeministrit dhe presidenti Stevo Pendarovski ka vendosur që ti japë mandatin Oliver Spasovskit.
Pendarovski njoftoi se së shpejti do të bëhet publike dhe struktura e qeverisë së re teknike, raporton Alsat.
Në kumtesën e Presidentit theksohet edhe se pas përfundimit të seancës në Kuvend për zgjedhjen e Qeverisë së re të Republikës së Maqedonisë së Veriut, presidenti Pendarovski do të presë anëtarët e përbërjes së re qeveritare në kabinetin e tij.
“Këtë mëngjes në orën 8.30 ishim në Qeveri. Nënshkrova dorëheqjen time, në përputhje me Marrëveshjen e Përzhinës dhe në bazë të Ligjit për Qeverinë.
Besoj se dokumenti do të arrijë në Parlament shumë shpejt, në mënyrë që procedura të fillojë gjatë ditës për të mundësuar miratimin e qeverisë teknike”, tha Zaev pasi hoqi dorë nga posti i kryeministrit./noa.al/