Nga tensionet e krijuara gjatë orëve të para të mëngjesit në zonën e Astirit 13 persona mbeten të plagosur.
Prej tyre, 8 janë banorë dhe 5 efektivë policie. Sipas të dhënave nga Ministria e Shëndetësisë asnjë prej personave të lënduar nuk ishte në rrezik për jetën.
Të lënduarit janë dërguar me autoambulancë në urgjencën e spitalit universitar të Traumës ku edhe morë ndihmën e parë.
Të lënduarit u paraqitën kryesisht me trauma fizike, probleme me frymëmarrjen për shkak të gazit të përdorur dhe traumë psikologjike.
Sakaq, 10 prej të lënduarve kanë lënë spitalin, ndërsa në terapinë e urgjencës kanë mbetur edhe tre banorë.
Banorët e lënduar janë vizituar sot nga nënkryetari i LSI Petrit Vasili, Kryetari i PD, Lulzim Basha dhe disa deputetë të kësaj partie. /NOA.al