Transmetuar më 15-10-2019, 14:48

Një dietë e shëndetshme mund të mbrojë sistemin imunitar, por nëse vazhdon akoma të kesh ethe ose temperaturë dhe të mos ndihesh mirë, është shumë e rëndësishme të tregosh kujdes me ushqimet që ha gjatë kohës që mund të kalosh një virozë, të ftohtë apo grip. Më poshtë janë të gjitha ushqimet që duhet të hash kur je e sëmurë.

Lëngje, nga të gjitha llojet

Ndoshta nuk i shijon të gjitha ushqimet si në ditët e tjera, por gjatë kohës që nuk e ndien veten mirë, duhet të pish shumë lëngje. Të gjitha llojet e lëngjeve natyrale, përfshirë çajrat dhe lëngjet e frutave janë një zgjidhje e mirë për të mbajtur stomakun në gjendje optimale. Lëngjet nga frutat e stinës si portokalle (sidomos portokall i kuq) apo molla kanë shumë kalori dhe të ndihmojnë për të mbajtur trupin në gjendje normale nëse nuk ke uri. Por nëse ke rrufë, zgjidhja më e mirë është çaji me limon ose uthull molle.

Opsione të tjera: çaji jeshil rrit sistemin imunitar dhe nëse i shton edhe pak mjaltë, do ta ndiesh veten më mirë.

Proteina lehtësisht të tretshme

Janë po ashtu mjaft të rëndësishme, sidomos kur je e sëmurë. Proteinat të forcojnë sistemin imunitar. Stomaku mund të kërkojë shumë kohë për të tretur biftekun, por edhe ai kërkon energji për t’u gatuar, kështu që ndoshta nuk është zgjidhja më e mirë kur e ndien veten ta pafuqishme. Zgjidhja në këto raste janë ushqimet e pasura me proteina lehtësisht të tretshme dhe që kërkojnë pak kohë për t’u përgatitur: veza, kosi i thjeshtë. Nuk kanë nevojë për shumë kohë gatimi.

Agrumet

Edhe pse vitamina C nuk e shkurton kohëzgjatjen e sëmundjes, sërish rekomandohet që agrumet duhet t’i marrësh me shumicë gjatë periudhës që nuk ndihesh mirë. Lëkura e bardhë që përmbajnë këto fruta në brendësi ka efekt të jashtëzakonshëm në sistemin imunitar. Sa më shumë portokalle, limonë, mandarina, qitro etj.

Supë dhe lëng mishi

Të gjitha variantet e supave me perime, por edhe atyre të gatuara me lëng mishi, supë pule (vegeta) apo viçi do të mbajnë të hidratuar gjatë gjithë periudhës kur nuk je mirë me shëndet. Këto gatime janë të lehta për t’u tretur dhe të mbajnë të gjendje të ngopur. Nëse ke uri, hidhu supave sa më shumë perime, drithëra si elb, thjerrëza etj.

Kosi

Në një studim gjerman të kohëve të fundit, mundësia që kosi të luftojë të ftohtin dhe virozat ishte deri në dy ditë. Kjo është një nga arsyet që ky produkt rrit sistemin imunitar, por edhe lufton të ftohtin. Nëse ke ethe, zgjidhja më e mirë është të ushqehesh me kos. /b.l/noa.al/