Maks Haxhia, avokat i Saimir Tahirit, ka komentuar në emisionin “Open” në Top Channel vonesën e Gjykatës së Krimeve të Rënda për të dhënë vendimin për ish-ministrin e Brendshëm.

“Brenda orës 18:00 prisnim shpalljen e vendimit”, tha Haxhia, duke shtuar se “kjo vonesë nuk ka shpjegim tjetër veçse se trupi gjykues po shkruan të gjithë vendimin dhe jo vetëm dispozitivin”.

I pyetur se çfarë pret nga trupi gjykues, avokati theksoi: “e them me gjithë bindjen se gjykata nuk ka rrugë tjetër veçse të jap vendim pafajësie”.

Ndërkaq, prej orës 16:00 të ditës së sotme, trupa gjykuese vijon të shqyrtojë pretendimet e Prokurorisë.