Një vajzë 23 vjeçe, Natasha Conabeer, u zhduk pa gjurmë nga qyteti i KwaZulu-Natal, në Afrikën e Jugut.
Nga e reja ishin humbur gjurmët prej tre javësh, deri kur u gjet fundjavën e lënë pas në gjendje të rëndë.
Natasha ishte zhdukur qysh prej 18 gushtit dhe vetëm pas tre javësh u bë e mundur gjetja e saj.
Për të afërmit dhe miqtë ishte një moment gëzimi, por gjendja e së resë ishte shumë e rëndë dhe për pasojë gjeti vdekjen në spital.
Deri më tani nuk dihen shkaqet e vdekjes, ndërsa pritet që ekspertiza mjeko-ligjore të zbulojë më shumë rreth saj. Vajza u zhduk teksa ishte duke shkuar për në shtëpinë e prindërve për drekë.
Dyshohet se ajo mund të jetë rrëmbyer, duke u zhdukur për javë me radhë dhe kur u gjet, gjendja e saj shëndetësore ishte kritike, shkruan noa.al.
Mjekët bën të pamundurën për të shpëtuar, por këtë të hënë, ajo gjeti vdekjen. Lidhur me rrethanat e zhdukjes së vajzës dhe më pas vdekjen e saj, policia nuk përjashton asnjë hipotezë. /a.y/noa.al