Policia e Tiranës prangosi një 38-vjeçar, lindur në Elbasan, pasi dyshohet se trafikonte mjete motorike.

Të arrestuarit i shtë sekuestruar një mjet tip Lamborghini Huracan, me vlerë rreth 250 000 euro.

Shtetasi M.D. është vënë në pranga pasi Policia ka konstatuar se makina rezulton e vjedhur në Gjermani.

I arrestuari me banim në Shtutgart të Gjermanisë, kishte hyrë me mjetin luksoz në 13 korrik të këtij viti në Shqipëri.

Më 30 korrik, makina ishte deklaruar e vjedhur në Gjermani.

Policia gjithashtu ka shpallur në kërkim një tjetër person, B.M., 43-vjeç, po banues në Gjermani, i cili dyshohet si bashkëpunëtor. /a.m/noa.al