Transmetuar më 05-07-2019, 14:57

Videoja e një burri francez duke masturbuar në tren është bërë virale, pas publikimit në rrjetet sociale, nga një pasagjere e cila filmoi gjithçka.

Por është kjo e fundit ajo që rrezikon të dënohet nga drejtësia, për shkak të shkeljes së privatësisë së të dyshuarit.

Natacha Bras, 37 vjeçe, ishte duke udhëtuar me trenin e drejtuar nga Parisi në Poitiers, kur një burrë u afrua pranë saj. Pak më vonë, si të mos ishte asgjë nisi të masturbohej në sy të saj dhe vijoi që ta bëjë këtë gjatë gjithë udhëtimit.

Zonja Bras, e cila është zëvendëspresidente e ‘MoiAussiAmnesie’, një grup që merret me mbështetjen e viktimave seksuale, pa e mbuluar fytyrën e personit në fjalë e publikoi videon online, e cila u pa 110 mijë herë.

Gruaja pretendon se e ka filmuar pasagjerin, pasi në një moment si e ndoqi në banjë dhe në këtë mënyrë, mendoi se ishte e vetmja formë që mund të mbrohej, shkruan noa.al.

Tashmë Bras e bëri publik shqetësimin e saj, nga frika se i druhet ndëshkimit dhe një gjobe prej 45 mijë euro, për shkak të cenimit të privatësisë së personit në fjalë. /a.y/noa.al