Duke marrë shkas nga fitorja e komedianit Volodymyr Zelensky në zgjedhjet presidenciale të Ukrainës, ish-ministri i Drejtësisë Ylli Manjani thotë se dëshira që edhe në Shqipëri të kemi një udhëheqës komedian, është e parealizueshme.
Kjo sipas Manjanit jo për mungesë komedianësh, por për faktin se ata janë tashmë në politikë.
“Dëshira që edhe në Shqipëri të kemi një udhëheqës komedian, është e parealizueshme. Jo se s’kemi komedianë, por se ata janë tashmë në politike. Aktorët e humorit janë të shpërndarë nëpër parti… Nga ana tjetër udhëqeqësit e sotëm janë vetë komedianë”, thotë Manjani.
Komediani ukrainas, Volodymyr Zelensky, ka arritur një fitore "të çmendur" në zgjedhjet presidenciale të vendit, sugjerojnë sondazhet e daljes.
Zelensky, 41 vjeç, sfidoi presidentin aktual Petro Poroshenko i cili ka pranuar humbjen.