Dalin detaje të reja lidhur me trupin e pajetë të gruas, e cila u gjet mëngjesin e sotëm, pranë liqenit të Sharrës, në Tiranë.
Mësohet se gruaja është vrarë me armë zjarri, pas një plage plumbi të gjetur në kokë.
Gruaja rreth moshës 49 vjeçe e identifikuar si Lirie Xhepa, u gjet e pajetë nga banorët e zonës, rreth orës 08.00 të mëngjesit të sotëm.
Ishin ata që lajmëruan policinë, duke bërë që të nisin hetimet mbi ngjarjen.
Po ashtu në trupin e viktimës janë gjetur edhe shenja dhune, ku mendohet të jetë dhunuar para vrasjes. Paraprakisht dyshohet që gruaja është vrarë në vend tjetër dhe më tej është transportuar në liqenin e Sharrës.
Aktualisht po punohet për zbardhjen e rrethanave të krimit. /a.y/noa.al
Tiranë, gjendet trupi i pajetë i një gruaje pranë liqenit të Sharrës