Lulzim Basha reagon për atë që ai e quan kapitullim i Edi Ramës përballë krimit, duke iu referuar dorëzimit të Klement Balilit.
Për opozitën nuk ka asnjë dyshim që i shumëkërkuari u dorëzua vetë në polici, dhe nuk kemi të bëjmë aspak me një arrestim, ashtu siç pretendon ministri Lleshaj dhe Kryeministri Rama.
“Ramës i djeg e vërteta sepse Balili është prova e kapitullimit të tij para krimit. I djeg sepse ka ulur kokën para të gjitha kushteve të trafikantit të drogës. I djeg sepse shqiptarët do ta shohin shpejt lehtësimin nga akuzat për trafik droge. E kemi pare këtë film me S. Tahirin”, shkruan Basha në Tëitter.
Argumentet dhe replikat politike do të vijojnë gjatë këtyre ditëve, pasi emri i Klement Balilit është artikuluar shumë këto dy vite.
Partia Demokratike akuzon strukturat e policisë, madje edhe Edi Ramën se ka ofruar mbështetje për Balilin.
Ndërsa kreu i ekzekutivit e quajti një prej operacioneve më të sofistikuara që çoi në pranga Klement Balilin. /k.k/noa.al/