Gjeneral Brigade Sandër Ndue Lleshaj, është zyrtarisht ministër i Punëve të Brendshme.
NOA.al konfirmoi nga burime të Presidencës se kryetari i shtetit, Ilir Meta i ka dhënë fund pritjes duke dekretuar Sandër Lleshajn në postin e ministrit të Brendshëm,
Në këtë mënyrë ka përfunduar dhe krisja mes Presidencës dhe Qeverisë pasi herën e parë, Meta e refuzoi Ramën duke mos e dekretuar Lleshaj në postin e MPB.
Rama e emëroi menjëherë më pas Lleshajn si zëvendësministër të Brendshëm me kompetenca ministri, por pak ditë më vonë e ridërgoi emrin e tij në Presidencë për dekretim.
Pas afro një jave shqyrtim, Presidenti sonte në mbrëmje vendosi që të shpallë dekretin që i jep Lleshajt emërimin e kërkuar nga Rama. /noa.al/
DEKRET PËR EMËRIM MINISTRI
Në mbështetje të nenit 93 dhe 98, pika 1 të Kushtetutës, me propozim të Kryeministrit nr. 5211 prot., datë 09.11.2018,
D e k r e t o j:
Neni 1
Zotin Sandër Lleshaj, emërohet Ministër i Brendshëm.
Neni 2
Ky dekret hyn në fuqi menjëherë.
Nr. Dekreti 10957
Tiranë, më 16.11.2018.
PRESIDENTI I REPUBLIKËS
ILIR META