Lulzim Basha, me anë të një statusi në rrjetin social Twitter, ka akuzuar kryeministrin Rama se ka filluar shpifjet për të mbajtur pushtetin.

Sipas kryedemokratit, “propaganda e Ramës i ka ndezur të gjithë motorrët. Shpifje e përbaltje nga shërbëtorët e mercenarët e Ramës për të mbrojtur pushtetin dhe paratë e Padronit dhe klientëve të tij”.

Basha shprehet për një hendek që sipas tij është duke u thelluar çdo ditë e më shumë.

“Hendeku midis oborrit të Ramës dhe njerëzve të thjeshtë do të thellohet. Unë jam në anën e njerëzve”, shkruan Basha.

Deklarata vjen në mesin e akuzave të opozitës për mshpërdorim të parave nga ana e qeverisë përmes konçensioneve. /k.k/noa.al/