Në emisionin “Open” me gazetaren Eni Vasili, Monika Kryemadhi bëri një deklaratë të fortë, duke lëshuar akuza ndaj kryeministrit Edi Rama dhe ndërkombëtarëve.

Kryemadhi shprehet se paratë e kanabisit që, sipas saj, u mboll në të gjithë Shqipërinë, i ka marrë ose kryeministri Edi Rama ose ndërkombëtarët që heshtën.

“Lazarati u shkatërrua dhe shumë mirë u bë që u shkatërrua, por u bë gjithë Shqipëria si Lazarati. Gjithë kjo para’ e kanabisit, ku shkoi? Sepse varfëria është rritur, nuk shkoi te qytetarët. Pra, ose i ka marrë Edi Rama ose ndërkombëtarët që nuk folën për këtë situatë”, deklaroi Kryemadhi.