Miq, familjarë dhe të afërm, i kanë dhënë sot lamtumirën e fundit aktorit të humorit Fadil Hasa.
Në nderim të tij, homazhet u mbajtën në orën 10.00 të ditës së sotme dhe zgjatën për afro një orë në hollin e teatrit “Aleksandër Moisiu”.
Në nderim të tij, para arkëmortit të aktorit të ndjerë, u përkulën aktorë, regjisorë, por edhe personazhe të politikës.
Mes tyre homazhe bën edhe kreu i Partisë Demokratike Lulzim Basha, si dhe ish-kryedemokrati Sali Berisha.
Pak pas orës 11.00 trupi i pajetë i aktorit u dërgua drejt varrezave të qytetit, ku dhe do të prehet.
Aktori Fadil Hasa lindi në Durrës në 8 prill të vitit 1940, ndërsa u nda nga jeta ditën e djeshme, në moshën 77-vjeçare, si pasojë e një sëmundje të rëndë. /a.y/noa.al
Humbje e madhe për artin shqiptar, ndahet nga jeta aktori Fadil Hasa