Transmetuar më 16-07-2018, 18:16

Franca është fituese e Kupës së 21-të të Botës, por Kroacia po quhet gjerësisht si “fituesja” morale.

Kombëtarja ballkanike bëri një kampionat të mrekullueshëm duke shkuar deri në finale, e duke bërë një ndeshje mjaft të bukur, të cilën e humbi vetëm nga episodet.

Gjithsesi, për Kroacinë, vendi i dytë është një arritje historike për këtë shtet të vogël.

Tifozët e këtij vendi kanë dalë në rrugët e Zagrebit për të pritur kombëtaren, njësoj si ajo të ishte fituese e Botërorit.

Por, kur avioni me kombëtaren kroate u ngrit nga aeroporti i Moskës, ra në sy shoqërimi nga dy avionë luftarakë rusë.

Nuk dihet ende se pse është marrë kjo masë nga forcat ruse të sigurisë dhe nëse ka pasur ndonjë kërcënim konkret./a.m./noa.al/