Zlatko Dalic ishte arkitekti i ndërtimit të një Kroacie të madhe që shkoi deri në finalen e Kupës së Botës me Kroacinë, por nuk mundi që të triumfonte ndaj Francës, pasi u mund me rezultatin 4-2.

51-vjeçari u shpreh krenar për futbollistët e tij, duke e cilësuar si suksesin më të madh në histori.

“Fillimisht dua të uroj Francën për këtë titull. Për ne mund të them se kemi luajtur një ndeshje të madhe, por u penalizuam nga ajo penallti. Pavarësisht kësaj humbje, duhet të jemi krenarë për gjithçka që kemi bërë deri tani.

Ne kemi arritur suksesin më të madh në futbollin kroat, por na ka mbetur diçka peng dhe kërkoj falje pasi ne mund të bënim një tjetër hap më shumë. Nuk është se Franca na surprizoi, pësuam dy gola të lehtë të cilëve u shtohen një autogol dhe një penallti”, deklaroi Dalic pas ndeshjes.

Kujtojmë që Dalic më parë ka drejtuar edhe skuadrën e Dinamos në Shqipëri./a.k/noa.al/