Tashmë kufiri i gjelbër mes Shqipërisë dhe Greqisë është shndërruar në një pikë të rëndësishme të trafikut të drogës.
Ky korridor në Jug të vendit në zonën e Kakavijës po përdoret në mënyrë mjaft të shpeshtë nga trafikantët.
Të shpeshta kanë qenë aksionet kur policitë e të dy vendeve kanë sekuestruar sasi të ndryshme droge së fundmi.
Aksioni më i fundit u zhvillua gjatë ditës së sotme nga policia greke.
79 kilogramë e 680 gramë lëndë narkotike e llojit marijuanë u sekuestrua në një automjet.
Ndëkorhë, në pranga ranë dy shtetas grekë, babë e bir, 52 dhe 29-vjeç.
Këta shtetas morën lëndën narkotike në kufirin e gjelbër nga shtetas shqiptarë dhe do e çonin në Athinë.
Por u pikasën nga policia e cila u vu në ndjekje të tyre dhe i ndaloi në Amfiloxia.
Aktualisht vijojnë hetimet për identifikimin e shtetasve shqiptarë të përfshirë në linjën e trafikut./a.m./noa.al/