Transmetuar më 19-06-2018, 22:55

Ky është horoskopi javor për të gjitha shenjat. Njihuni me parashikimin për punën, shëndetin dhe ndjenjat, si do të ecë java për të lindurit e çdo shenje.

Dashi

Këtë javë Mërkuri dhe Hëna do të jenë në pozicion të pafavorshëm për të lindurit në shenjën e Dashit, prandaj është e këshillueshme që të mos stresoheni shumë për sa u përket problemeve në punë si dhe të mos reagoni në mënyrë impulsive. Gjithçka do t’ju ecë mbarë në aspektin e ndjenjave, sepse Venusi është kthyer në shenjën tuaj.

Demi

Falë pozicionimit të Venusit dhe Hënës, të lindurit në shenjën e Demit mund të kenë zënka në çift dhe të ndihen më nervozë se zakonisht. Situata në aspektin profesional parashikohet të jetë e mirë, do të merrni lajme të mira dhe konfirmime që i prisnit prej kohësh. Ditët më me fat me Hënën në shenjë do të jenë e hëna, e marta dhe e mërkura.

Binjakët

Këtë javë do të ndiheni disi nervozë. Do t’ju dalin pengesa të paparashikuara të hënën, të martën dhe të mërkurën, sepse Hëna nuk do të jetë e kthyer në shenjën tuaj. Por, nuk është asgjë për t’u shqetësuar, vetëm se do t’ju duhet të prisni mesin e javës për të marrë rezultatet që shpresonit. Do të jeni mjaft me fat për sa i takon situatës sentimentale. Për beqarët parashikohen takime interesante, ndërsa për ata që janë në çift dashuria do të rritet ditë pas dite.

Gaforrja

Këtë javë do të jeni një hap para të tjerëve dhe kjo do të jetë lehtësisht e dallueshme. Me Mërkurin në shenjë, duket sikur energjia ju buron nga poret. Përfitoni nga situata për të çuar përpara projektet dhe për të ndërmarrë ndonjë iniciativë të re. Kudo që të trokitni, do t’ju hapen dyert. Do të jetë një javë pozitive si në aspektin profesional edhe në atë personal. Në fundjavë do të jeni pasionantë si kurrë ndonjëherë.

Luani

Këtë javë Venusi do të kthehet në pozicion të favorshëm për të lindurit në shenjën e Luanit. Do të përjetoni emocione të forta dhe zemra do t’ju rrahë fort. Shumë prej të lindurve në këtë shenjë gjatë këtyre muajve të fundit kanë përjetuar momente tensioni në çift, por tani më në fund mund të jeni të sigurt se keni në krah personin e duhur. Ditët më pozitive të javës do të jenë e enjtja dhe e premtja. Të shtunën dhe të dielën ndoshta mund të ndiheni disi në humor të keq…

Virgjëresha

A ndiheni gati që të përjetoni një javë si protagonistë të vërtetë? Të hënën, të martën dhe të mërkurën, Hëna dhe Mërkuri do të kthehen në pozicion të favorshëm për shenjën tuaj dhe ky do të jetë momenti i përshtatshëm që të merrni rezultatet që i prisnit prej kohësh. Do të përjetoni një situatë pozitive edhe në aspektin profesional. Mos hezitoni të hidheni në veprim.

Peshorja

Kjo do të jetë një javë mjaft pozitive në aspektin sentimental për të lindurit në shenjën e Peshores. Do të keni në krah një person që do t’ju japë gjithë mbështetjen dhe dashurinë për të cilën keni nevojë. Për beqarët parashikohen takime interesante. Ditë me shumë fat me Hënën në shenjë do të jenë e enjtja dhe e premtja. Gjërat mund të ecin disi ngadalë në aspektin profesional, por ju këshillohet të mos e humbni besimin te vetja.

Akrepi

Pranojeni më në fund se, po nuk pati ndonjë zënkë të vogël, dashuria për ju bëhet disi monotone. Por, bëni kujdes se mos e ekzagjeroni. Këtë javë, ato zënkat e vogla mund të kthehen në sherre të mirëfillta. Të shtunën dhe të dielën Hëna do të kthehet në shenjën tuaj, prandaj përfitoni nga ky moment për t’iu përkushtuar partnerit. Gjatë pjesës së parë të javës gjërat do të ecin mbarë në aspektin profesional.

Shigjetari

Ju jeni një shpirt i lirë dhe nuk ju pëlqen të ndiheni në kurth. E vlerësoni jetën në çift, por vetëm nëse kjo mënyrë jetese ju lejon të keni hapësirat tuaja që për ju janë shumë të rëndësishme. Gjatë kësaj jave Venusi do t’ju dhurojë ekuilibrin e përsosur. Do t’i përkushtoheni vetes dhe do të ndiheni të vlerësuar. Të hënën dhe të martën mund të hasni ndonjë pengesë në aspektin profesional.

Bricjapi

Këtë javë do të hasni disa pengesa në realizimin e projekteve tuaja, për shkak se Mërkuri është kthyer në pozicion të pafavorshëm. Për njerëzit si ju që synojnë gjithnjë për lart, nuk do të jetë e lehtë ta duroni këtë situatë ku gjërat duket se kanë ngecur në vend. Mundohuni të qetësoheni, sepse së shpejti gjithçka do të funksionojë më mirë se më parë. Edhe në aspektin sentimental do të gjeni qetësinë e humbur. Ditët më me fat do të jenë e hëna, e marta dhe e mërkura.

Ujori

Këtë javë do t’ju pushtojë ndjenja e pasigurisë në dashuri. Venusi, i kthyer në pozicion të pafavorshëm, e bën më të vështirë komunikimin me partnerin. Në fundjavë kriza mund të thellohet më shumë. Provoni të tregoheni më të hapur me të dhe nuk do të gaboni. Ditët me fat do të jenë e enjtja dhe e premtja, sepse Hëna do të jetë kthyer në shenjën tuaj. Një surprizë e këndshme ju pret.

Peshqit

Ky fillim jave do të jetë i vështirë për të lindurit në këtë shenjë. Falë Hënës në pozicion të pafavorshëm do të ndiheni në humor të keq dhe do të hasni pengesa në rrugën tuaj. Mos u druani, sepse me Mërkurin dhe Jupiterin në shenjë suksesi afatgjatë është i garantuar. Bëni durim dhe prisni të shtunën dhe të dielën për t’u dhënë zgjidhje disa çështjeve, atëherë kur do të mund ta bëni gjithçka më me pasion.