Transmetuar më 12-05-2018, 08:19
Publicitet

Kryeministri Edi Rama publikon një artikull të medias kanadeze që flet për 5 destinacionet më të bukur të Evropës duke përfshirë edhe Shqipërinë.

Në artikull thuhet se Shqipëria është një destinacion i përsosur për çdo gjë, që nga një shkëputje nëpër qytet e deri tek një javë e qetë në plazh.

“MIRËMËNGJES

dhe me këtë artikull të kanadezes Troy Media që e rendit Shqipërinë ndër 5 destinacionet më të bukura të Evropës për udhëtime buxhetore, ju uroj një fundjavë të qetë”, shkruan Rama

Çfarë thotë artikulli për vendin tonë

“Të gjithë dëshirojmë të shohim më shumë nga bota e mrekullueshme në të cilën jetojmë, por për ata me buxhet të limituar, kjo mund të duket si një ëndërr në diell.... ka plot opsione për të konsideruar në rastet e një buxheti të caktuar dhe ne kemi përzgjedhur disa prej tyre.....

Shqipëria është një destinacion i përsosur për çdo gjë, që nga një shkëputje nëpër qytet e deri tek një javë e qetë në plazh.

Tirana ju ofron vizitorëve një risi në shkëputjen tuaj në qytet, me familjaritet të mjaftueshëm për të përfshirë gjithçka që ju pëlqen!

Shtrirja e pacenuar e vijës bregdetare është praktikisht e paprekur për shkak të mungesës së turizmit masiv, që gjithashtu përbën arsyen për çmime shumë më të ulta! Nuk ka kurthe turistike këtu në të cilat të biesh, kështu që ju mund të rri duarkryq dhe të relaksoheni me një buxhet të ulët prej vetëm 20 - 30 Euro në ditë.”/m.sh/noa.al/