Një person i armatosur hapi zjarr ndaj autokolonës që shoqëronte ish- boksierin amerikan, Floyd Mayweather.
Sipas policisë amerikane një truprojë mbeti i plagosur teksa u ndeshën nën breshërinë e armëve në qytetine e Atlantas.
Gregory La Rosa u qëllua në këmbë, por doli vetëm pas 3 orësh nga spitali, deklaroi policia në njoftimin zyrtar.
Mayëeather besohet të ketë qenë në një tjetër automjet, ndaj dhe i ka shpëtuar pa probleme këtij incidenti.
Incidenti nuk duket të ketë qenë rastësi, por mjeti i La Rosës ka qenë në shënjestër, edhe pse nuk dihet me saktësi arsyeja.
Grupi i Mayweatherit u largua nga një restorant në orët e para të mëngjesit, pasi kishin qenë më parë edhe në një klub nate.
Zëdhënësi i policisë, Donald Hannah tha se nuk dihet nëse një incident i ndodhur më herët gjatë pasdites kishte qenë shkak i të shtënave me armë./m.sh/noa.al/