Transmetuar më 22-03-2018, 21:12
Publicitet

Nga Mentor Kikia

Këta politikanët, këshilltarë bashkiakë apo deputetë, që ndryshojnë partitë kur partia nuk fiton zgjedhjet, apo nuk është pjesë e koalicionit qeverisës, më duken rraca më e keqe e politikanëve.

Dhe kur thonë se e bëjnë në emër të parimeve dhe idealeve politike.

Një deputet, kur ishte me PD-në kishte elektoratin e tij besnik.

Në zgjedhjet e radhës, ai iku nga PD tek PS dhe u tha njerëzve në fushatë: Ju mos më luani ë, ma jepni serish votën!

Dhe ata ia dhanë.

Në zgjedhjet e radhës ai kaloi nga PS tek LSI dhe sërish u tha besnikëve të tij:

Ju mos më luani ë!

Por dikush i tha: Por ti ke lujt tre herë, po lujm edhe ne një herë. Dhe nuk ia dhanë më votën.

Qëndrimet e autorit janë personale, nuk paraqesin vijën editoriale të NOA.al