Personi që shikoni në fotografi është 32-vjeçari i cili u ekzekutua me armë zjarri në oborrin e banesës së tij, natën mes të hënës dhe të martës.
Elson Kosiqi, i njohur ndryshe si Elsi Kosiqi, është ekzekutuar rreth orës 01.00 të së martës në oborrin e shtëpisë së tij, pak pasi e kanë thirrur në emër.
Por atentatorët e kanë pasur të lehtë të largohen, për shkak se shtëpia e viktimës ndodhet buzë rrugës kryesore, në Maqellarë të Dibrës.
Bëhet e ditur se Kosiqi nuk kishte shumë që ishte kthyer nga një udhëtim në Maqedoni, kur sapo kishte parkuar makinën dhe po hynte për në shtëpi, në momentin kur e vranë.
Vrasësit e kanë thirrur në emër dhe më tej kanë shkrepur pistoletën drejt tij, ku tre plumba e kanë goditur në gjoks.
Mësohet se Elsoni, kishte punuar për disa vite në Itali, ku bashkë me vëllezërit kishin ngritur një hotel në zonën e llixhave në Dibër.
Ai ishte i martuar dhe baba i tre fëmijëve. Kanë qenë familjarët ata që kanë dëgjuar të shtënat, duke gjetur mes pellgut të gjakut 32-vjeçarin.
Nga ana e policisë së Dibrës, janë ngritur pika kontrolli, si dhe po krihet e gjithë zona për identifikimin dhe kapjen e autorit të kësaj ngjarje.
Sakaq në vendin e ngjarjes janë sekuestruar prova të mundshme që mund të çojnë në zbardhjen e ngjarjes. /a.y/noa.al
Si e vranë dibranin në derë të shtëpisë, detajet që u zbuluan
Atentat me armë zjarri në Dibër, i riu ekzekutohet në oborrin e shtëpisë