Transmetuar më 14-03-2018, 10:37

Zërat për një largim të mundshëm të Neymar Jr nga Paris Saint Germain në fund të këtij sezoni janë shtuar ndjeshëm sidomos pas eliminimit të skuadrës pariziene nga Uefa Champions League, por të qetësuar tifozët e klubit francez ka menduar trajneri Unai Emery.

Në konferencën për shtyp përpara ndeshjes së rradhës në kampionat ndaj Angers që do të zhvillohet këtë të mërkurë në orën 17:00, trajneri spanjoll u ndal të fliste pikërisht për të ardhmen e yllit brazilian.

Emery theksoi se projekti i klubit është solid dhe serioz dhe nuk ka asnjë shans që Neymar të largohet nga Parisi në fund të këtij sezoni.

“Presidenti ka shkuar në Brazil pikërisht për të mbështetur Neymar, i cili po rikuperohet nga dëmtimi”, shtoi më pas Emery duke larguar zërat për një lamtumirë të parakohshme të O’Ney nga kryeqyteti francez me destinacion të ri Realin e Madridit.