Policia e Durrësit është vënë në kërkim të 9 marinarëve nga Nepali.

Këta persona kanë hyrë në Shqipëri nga Rinasi dhe janë akomoduar në një hotel në Durrës në datën 9 Mars, në pritje për tu imbarkuar në një anije.

Por, ata janë larguar nga hoteli një ditë më pas ku kanë braktisur valixhet.

Nepalezët nuk janë kthyer më në hotel dhe stafi i hotelit ka njoftuar policinë.

Uniformat blu kanë nisur hetimet lidhur me rastin. Nuk dihet ende se pse këta shtetas kanë braktisur bagazhet dhe janë larguar. Mister mbeten edhe qëllimet e tyre./