Transmetuar më 10-03-2018, 11:55

Mëngjesi është një tmerr i vërtetë kur sheh veten në pasqyrë më fytyrë të fryrë dhe sy të ënjtur. Duhet kohë për ta sjellë fytyrën në gjendjen optimale, por edhe shumë truke make up-i. Duket si një sfidë e vërtetë. Kjo teknikë, e cila e ka origjinën nga Japonia, thuhet se është shumë efikase.

Për shumë nga ata që e kanë praktikuar ka rezultuar mjaft e suksesshme, ndaj edhe ka pushtuar web-et si një nga masazhet më të mira që jo vetëm mund ta çlodhin fytyrën, ta përgatisin për një ditë të re, por në të njëjtën kohë ndikon drejtpërdrejt edhe në eliminimin e rrudhave.

Një grua japoneze ishte ajo që zbuloi se me anë të një masazhi, i cili u quajt Tanaka, për nder të emrit të saj, mund të rigjenerosh lëkurën dhe t’i japësh asaj freski. Sekreti është tek masazhet rrethore në çdo muskul të fytyrës.

Në këtë mënyrë ndihmon eliminimin e shenjave të lodhjes, ënjtjet e fytyrës, por edhe reduktimin e rrudhave. Po ashtu, kjo lloj teknike ndihmon edhe në mirëqarkullimin e lëngjeve në fytyrë duke eliminuar yndyrat e tepërta dhe hidratuar lëkurën.

Vetëm 2 javë pas këtij përdorimi çdo mëngjes, shumë njerëz treguan se rezultatet ishin mbresëlënëse. Shikoni videon dhe mësoni disa ushtrime për fytyrën, mollëzat, ballin, sytë, rrudhat e buzëqeshjes etj. /b.l/noa.al/