Transmetuar më 09-03-2018, 15:58

Një djalë 12 vjeçar përbuzet nga komuniteti ku jeton për shkak të një çrregullimi të rrallë gjenetik që i ka shkaktuar deformime në fytyrë, duar e këmbë. Sytë e Mannu Kamar shfaqen të shtrembër dhe të dalë nga zgavra e tyre.

Djali nga Jharkhand, India ushqehet me lugë nga nëna e tij dhe nuk mund të veshë këpucë ose shapka. Prindërit e tij po përpiqen me dëshpërim që të mbledhin para për trajtimin e tij që ti japin një jetë më të mirë.

Gjendja e rrallë gjenetike e Mannu, e njohur si Syndactyly, shkakton shkrirjen anormale të duarve e këmbëve, dhe prek vetëm një në një milion njerëz. Nëna e tij, Rani Devi u shpreh se dali është përbuzur në lagjen e tij dhe ka ndryshuar shumë herë shkollën për shkak të ngacmimeve.

“Është mallkimi i Zotit që djali im ka lindur kështu dhe unë jam e shqetësuar për të ardhmen e tij. Sigurisht, do të kujdesemi për të derisa të jemi gjallë, por nuk e di se çfarë do të ndodhë me të kur të largohemi nga kjo botë”, tha ajo.

Mjekët u kanë thënë se kostoja totale e trajtimit të tij, duke përfshirë procedurat e kirurgjisë neuro dhe kirurgjikale plastike, do të arrinin në rreth 11,110 dollarë (një milion rupie).

Për këtë arsye, familja, ka ngritur një faqe Crowdfunding me shpresën për të mbledhur para për trajtimin e Mannu.

Vetë 12 vjeçari ka deklaruar se nuk mund të ushqehet vetë, pa ndihmën e së ëmës. “Nëna ime më ka ushqyer me dorën e saj me lugë. Kam probleme me ecjen, ngritjen dhe madje edhe gjatë studimeve për shkak të syve të mia të fryrë. Kur vesh rrobat, sytë e mi dalin jashtë. Më pas duhet t’i shtyj ata në vendin e tyre”, shprehet vogëlushi.

Megjithatë pavarësisht gjithçkaje, si Mannu ashtu edhe prindërit e tij mbeten pozitiv për të ardhmen. “Nëse dikush mund të na ndihmojë, ne patjetër do të mirëpresim ndihmën e çdokujt që djali ynë të shërohet”, shprehen ata./b.l/noa.al/