Transmetuar më 07-02-2018, 10:32
Publicitet

Puna shpesh na mban gjithë kohës ulur, pa pasur mundësi që të lëvizim dhe të praktikojmë aktivitet fizik. Kjo çon në shtim peshe, e cila na dëshpëron jo pak.Por a e dini se mund të dobësoheni edhe duke qëndruar ulur? Më poshtë gjeni disa këshilla:

Bëni shumë pauza për kafe- Kafeja është një pije që stimulon metabolizmin dhe na ndihmon që të qëndrojmë më të kthjellët gjatë punës. Bërja e një pauze për kafe sa herë që keni uri, është një mënyrë e mirë për të shmangur konsumin e ushqimeve të shpejta dhe aspak të shëndetshme. E rëndësishme është që të mos e teproni me sheqerin.

Qeshni shumë- Të qeshurit shton me 10% frekuencën kardiake dhe ndikon edhe në metabilizëm. Kështu që ndonjë shaka me kolegët, i bën mirë edhe shëndetit, pasi digjen kalori.

Dëgjoni muzikë- Të dëgjuarit e muzikës së preferuar në punë, mund të ndihmojë për të qenë më të çtendosur dhe relaksuar. Nëse nuk keni mundësi për ta bërë, përfitoni nga momentet e pushimit për të vendosur kufjet dhe për të shijuar një moment relaksi.

Pranoni punët e vështira- Vendimi për të përballuar një sfidë të vështirë në punë, mund të jetë një mënyrë e mirë për t’u dobësuar. Përqendrimi, stresi dhe tensioni, bëjnë që të digjen deri në 300 kalori, shkruan noa.al.

Hani mini vakte të shëndetshme- Kur qëndrohet shumë kohë ulur, duhet ngrënë shpesh dhe pak, në mënyrë që të mos shëndoshemi. Ushqimet e shpejta janë armiku kryesor i linjave trupore. Këshillohet që të hani fruta dhe perime, të cilat mund ti merrni fare mirë në punë, si mollë, dardhë, banane, karota, etj. /a.y/noa.al

Loading...