Transmetuar më 03-02-2018, 20:41
Një incident ka ndodhur në skenën e Teatrit Kombëtar Eksperimental “Kujtim Spahivogli” në Tiranë.
Ndërsa ishte duke u zhvilluar shfaqja, aktori i njohur Alfred Trebicka, në para-premierën për të ftuar e gazetarë, është lënduar.
Teksa dritat u ulën, Alfred Trebicka goditi ballin në murin skenik, çka zbehu disi suksesin e kësaj mbrëmjeje emocionuese.
Aktori Trebicka është mirë me shëndet e ndonëse i gjakosur nga ky incident, doli përpara publikut dhe mori duartrokitjet e rastit, thotë gazetari Olti Curri në një publik në Fb.
“Medea” erdhi nga dita e djeshme në këtë teatër si premierë me regji të Dimitris Mylonas.
Kjo vepër sjell në skenë Luiza Xhvani, Alfred Trebicka, Viktor Zhusti, Roza Anagnosti dhe aktorë të tjerë. /noa.al/